Category: Հայաստան
Հայ Դատի «Շրջանային Դեսպան» Նախաձեռնութիւնը
Արեւմտեան Ամերիկայի Հայ Դատի յանձնախումբը նախաձեռնած է «Շրջանային Դեսպան» նորարար ծրագիրին՝ նպատակ ունենալով հայութեան քաղաքական ձայնը աւելի ազդու դարձնել, Արեւմտեան Ամերիկայի քոնկրեսական բոլոր ընտրատարածքներուն մէջ, Հայ Դատը ջատագովող դեսպան մը նշանակելու միջոցաւ։ Արեւմտեան Ամերիկայի Հայ Դատի յանձնախումբի գործադիր վարիչ Արմէն Սահակեան կոչ կ՛ընէ՝ այս ծրագիրին միջոցաւ Հայ Դատը գործնականապէս ջատագովելու շրջանի հայերուն եւ հայութեան բարեկամներուն, որ այցելեն կայքը եւ արձանագրուին, նկատի առնուելու համար շրջանային դեսպանի պաշտօնին։
Շիրվանեան Ընտանիքը Կը Շարունակէ Նեցուկ Կանգնիլ Գիւմրիի «Շիրվանեան» Կեդրոնին
Այս ամառ պիտի նշուի Գիւմրիի «Շիրվանեան» Երիտասարդական կեդրոնի հիմնադրութեան հինգերորդ տարեդարձը։ Կեդրոնը կարելի եղած էր մէջտեղ բերել հանգուցեալ տէր եւ տիկին Յակոբ եւ Մինա Շիրվանեաններու առատաձեռն աջակցութեան շնորհիւ։ «Շիրվանեան» Երիտասարդական կեդրոնին պաշտօնական բացումը կատարուած էր Յուլիս 2016ին, 1988ի երկրաշարժէն վնասուած այդ կառոյցին մէջ իրականացուած նորոգութեան աշխատանքներուն ամբողջացումէն ետք: Այդ թուականէն ի վեր, «Մենք ենք Գիւմրին» յանձնախումբը կեդրոնը վերածած է այդ շրջանի պատանիներուն եւ երիտասարդներուն համար աշխոյժ գործունէութեան վայրի մը, կազմակերպելով անգլերէնի, ռուսերէնի, համակարգչային գիտելիքներու, երաժշտութեան, ճատրակի եւ պարի դասընթացքներ. անիկա դարձած է մշակութային, կրթական եւ ընկերային վայր մը, նպաստելով Հայաստան–Սփիւռք յարաբերութեան սերտացման։ Նաեւ, «Մենք ենք Գիւմրին» կը տնօրինէ 2017ին մահացած Մինա Շիրվանեանի յիշատակին հաստատուած կրթաթոշակի հիմնադրամը, որ Շիրակի մարզէն համալսարանական ուսանողներու նիւթական յատկացումներ կը կատարէ: Կեդրոնը վերջին քանի մը ամիսներուն նաեւ Արցախի պատերազմէն վնասներ կրած անձերու աջակցելու ջանքերուն աշխոյժ վայրի մը վերածուեցաւ: «Շիրվանեան» Երիտասարդական կեդրոնին այս նախաձեռնութիւնները կ՛իրականացուին շնորհիւ համայնքին եւ Շիրվանեան ընտանիքին շարունակուող նեցուկին։ Արդարեւ, Շիրվանեան ամոլի դուստրը՝ Ալիս Պետրոսեան, եւ անոր ամուսինը՝ Վահիկը, վերջերս 8000 տոլարի նուիրատուութեամբ մը ուռճացուցին կեդրոնին եւ Մինա Շիրվանեանի յիշատակին հաստատուած կրթաթոշակի հիմնադրամի գործունէութեան համար անհրաժեշտ գումարները։ Յիշեցնենք, որ «Մենք ենք Գիւմրին» յանձնախումբը Սեպտեմբերին յայտարարեց 2020-2021ի կրթական տարեշրջանին համար՝ Մինա Շիրվանեանի անուան կրթանպաստները ստացող 12 համալսարանական ուսանողներուն անունները, որոնցմէ երեքը անցեալ տարեշրջանին եւս կրթանպաստ ստացած էին, իսկ մնացեալը՝ առաջին անգամ ըլլալով: Հայ Յեղափոխական Դաշնակցութեան Արեւմտեան Ամերիկայի Կեդրոնական կոմիտէի նախաձեռնած «Մենք ենք Գիւմրին» յանձնախումբի ատենապետ Շանթ Պապուճեան այս առիթով շնորհակալութիւն կը յայտնէ Վահիկ եւ Ալիս Պետրոսեաններուն եւ միւս բոլոր նուիրատուներուն, այս նախաձեռնութիւններուն նեցուկ կանգնելու՝ իրենց ազգանուէր կեցուածքին համար։ 2020-2021ի կրթական տարեշրջանի կրթանպաստներուն հովանաւորներն են․ Քարլօ եւ Ազնիւ Պոզողլեան Փիեռ եւ Քեթի Չրախճեան Վիգէն եւ Նորա Յովսէփեան Շանթ եւ Թամար Պապուճեան 4211 Nogales Dr. հիմնարկը Կարօ եւ Սօսի Էշկիեան Էնճըլօ եւ Լոռի Կալեան Արթօ Քէօլէեան Համբար եւ Կարինէ Մելքոնեան Օշին եւ Իրէն Փիրումեան […]
Արցախեան Ձեռագրերու Ցուցադրութիւն՝ Մատենադարանի Մէջ
1959 Մարտ 3-ին, Երեւանի մէջ բացուեցաւ Մեսրոպ Մաշտոցի անուան Մատենադարանը: Բացման 62-րդ տարեդարձը, այսօր, կը խորհրդանշուի Արցախեան ձեռագրերու ցուցադրութեամբ: Այս մասին ԵՌԱԳՈՅՆ-ը կը տեղեկանայ Armradio.am-էն։ «Մատենադարան–Գանձասար» գիտամշակութային կեդրոնէն Երեւանի Մատենադարան […]
Էրտողանի Հրահանգով Արցախեան Պատերազմի Մասին Թուրք-ազրպէյճանական Ֆիլմ Պիտի Ստեղծուի
Մարտ 2-ին Թուրքիոյ նախագահի աշխատակազմի հանրային կապերու վարչութեան ղեկավար Ֆահրեթթին Ալթուն ընդունած է Ազրպէյճանի մշակոյթի նախարար Անար Քերիմովը: Հանդիպման ընթացքին, ըստ Ermenihaber.am-ի, կողմերը քննարկած են հաղորդակցութեան, լրատուամիջոցներու, մշակոյթի, ֆիլմարտադրութեան բնագաւառներուն […]
ՀՀ ՄԻՊ Աշխատակազմը Ահազանգեր Ստացած է, որ ՀՀ ԱԺ Պատուհաններէն Բացայայտ Կ՝երեւին Դիպուկահարներ՝ Բաղրամեան Պողոտային Վրայ Տեղի Ունեցող Հաւաքին Ուղղութեամբ
ՀՀ մարդու իրաւունքներու պաշտպանի աշխատակազմը ստացած է ահազանգեր առ այն, որ ՀՀ Ազգային ժողովի պատուհաններէն բացայայտ կ՝երեւին դիպուկահարներ Բաղրամեան պողոտային վրայ տեղի ունեցող հաւաքին ուղղութեամբ: Արձանագրուած են նաեւ նման հրապարակային […]
Մենք Մեր Պարտութիւնը Կոփեցինք 2018-ի Ապրիլին, Երբ Հաւատացինք Մեր Անցեալը Մերժողին. Լիլիթ Գալստեան
Նոյեմբեր 9-ին չէ աւարտած մեր պարտութիւնը, եւ ոչ ալ մեր պատերազմը սկսած է Սեպտեմբեր 27-ին։ Այս մասին, ըստ Yerkir.am-ի, յայտնեց ՀՅԴ Հայաստանի ԳՄ անդամ Լիլիթ Գալստեան Հայրենքի փրկութեան շարժման այսօրուան […]
Զինուած Ուժերը Մշտապէս Պէտք է Ըլլան Բոլորիս Հոգածութեան Ներքոյ. ՀՀ Նախագահ
Հայաստանի Հանրապետութեան նախագահ Արմէն Սարգսեան այսօր՝ Մարտ 3-ին, հանդիպած է ՀՀ Զինուած ուժերու գլխաւոր շտաբի պետ, զօրավար-գնդապետ Օննիկ Գասպարեանի հետ: Այս մասին ԵՌԱԳՈՅՆ-ին կը յայտնեն ՀՀ նախագահի աշխատակազմի գրասենեակէն։ Զրուցակիցները […]
«Մեր Ներկայութեամբ, Վճռականութեամբ, Պինդ Կանգնելով Պիտի Հասնինք Արդիւնքի». Մարտ 3-ին, Ժամը 16:00-ին Հանրահաւաք Բաղրամեան Պողոտայի Վրայ
Մարտ 3-ին՝ ժամը 16։00-ին, Բաղրամեան պողոտային վրայ տեղի պիտի ունենայ Հայրենիքի փրկութեան շարժման յաջորդ հանրահաւաքը։ Այս մասին յայտարարած է Շարժման համակարգող Իշխան Սաղաթելեան։ «Բանակի եւ Հանրապետութեան նախագահի վրայ կը շարունակուին […]
ՀՅԴ Ծրագիր՝ Արցախի Երիտասարդութեան Կարողականութեան եւ Հմտութիւններու Զարգացման Համար
ՀՅԴ Բիւրոյի Երիտասարդական գրասենեակի պատասխանատու Արշակ Մեսրոպեան եւ ՀՅԴ Արցախի Երիտասարդական միութեան կեդրոնական վարչութեան ներկայացուցիչ Վահագն Խաչատրեանը այսօր՝ Մարտ 2-ին, հանդիպումներ ունեցած են Ստեփանակերտի մէջ գործող Մեսրոպ Մաշտոց Համալսարանի ղեկավար […]
HAYTADOLOGY II Խտացեալ Դասընթացքը Աւարտեցաւ Յուսադրող Մթնոլորտի Մէջ
Աւստրիոյ Հայ Դատի Յանձնախումբը յատուկ հաղորդագրութեամբ մը, կը տեղեկացնէ, թէ Պսակաձեւ ժահրին պատճառով առցանց կազմակերպուած HAYTADOLOGY II Հայկական Ժամանակակից Հարցերու Խտացեալ Դասընթացքը տեղի ունեցաւՓետրուար 24-27 -ին։ Դասընթացքի վերջին օրը տեղի […]