Ուքրանիոյ Քրոփիւնիցքիի Մէջ Կառուցուելիք Հայկական Եկեղեցին Սրբադասուած Շուշանիկ Թագուհիի Անունով Պիտի Կոչուի
Ուքրանիոյ մարզի Քրոփիւնիցքի մարզական կեդրոնէն ներս կառուցուելիք հայկական եկեղեցին պիտի անուանակոչուի սրբադասուած Շուշանիկ թագուհիի անունով:
«Աշխատանքային հանդիպումի ընթացքին վանքի մանրակերտի մանրամասնութիւնները քննարկած են Հայ Առաքելական եկեղեցւոյ Ուքրանիոյ թեմի առաջնորդ Մարկոս Եպիսկոպոս Յովհաննիսեանն ու Քիրովոկրատի մարզի Ուքրանիոյ Հայերու Միութեան նախագահ Տիգրան Խաչատրեանը:
Խաչատրեան յայտնած է, որ հայկական եկեղեցին պիտի դառնայ մշակութային տեսարժան վայր ոչ միայն հայերուն, այլ նաեւ ողջ Ուքրանիոյ համար:
Ապագայ վանական համալիրին նախագիծը հրապարակուած էր Փետրուար 2020-ին:
Քիրովոկրատի մարզի Քրոփիւնիցքի մարզական կեդրոնէն ներս առաջին հայկական եկեղեցին պիտի կառուցուի Ինկուլ գետի ափին: Հողատարածքը կը գտնուի Միխայլովսքի փողոցին վրայ, 1100 քմ»,- յիշուած է հաղորդագրութեան մէջ: