Արցախի ԱԳ Նախարարը Ընդունած է The HALO Trust Կազմակերպութեան Ծրագիրի Ղեկավարը
Յունուար 15-ին, Արցախի Հանրապետութեան արտաքին գործոց նախարար Մասիս Մայիլեան ընդունած է Արցախի մէջ The HALO Trust միջազգային ոչ կառավարական կազմակերպութեան ծրագիրի ղեկավար Չարլզ Ֆոլին:
Կողմերը քննարկած են Արցախի մէջ The HALO Trust կազմակերպութեան մարդասիրական ականազերծման աշխատանքներուն, ինչպէս նաեւ յառաջիկային նախատեսուած ծրագիրներու իրականացման վերաբերող շարք մը հարցեր։