Մանուէլ Պետրոսեան՝ Արագ Ճատրակի Հայաստանի Ախոյեան
Այսօր Հայաստանի ճատրակի ակադեմիային մէջ տեղի ունեցաւ Աշոտ Անաստասեանի յիշատակին նուիրուած Հայաստանի արագ ճատրակի առաջնութիւնը: Այս մասին, ըստ ABCmedia.am-ի, կը յայտնեն Ճատրակի ֆետերասիոնէն:
Գրոսմայսդըրներ Մանուէլ Պետրոսեանը, Շանթ Սարգսեանը եւ Զաւէն Անդրիասեանը 7 հնարաւորէն վաստակեցան 6 միաւոր:
Լրացուցիչ ցուցանիշներով ախոյեան դարձաւ Մանուէլ Պետրոսեան: Մանուէլը իրաւունք ստացաւ մասնակցելու աշխահի արագ ճատրակի առաջնութեան։
Փոխախոյեան դարձաւ Շանթ Սարգսեան, իսկ լաւագոյն եռեակը եզրափակեց Զաւէն Անդրիասեան:
Վահէ Դանիէլեան գրաւեց 4-րդ հորիզոնականը, իսկ Ռոպերթ Յովհաննիսեան՝ 5-րդ:
Վեթերաններուն մէջ լաւագոյն արդիւնքը ցոյց տուաւ Աշոտ Նադանեանը:
Կանանց մէջ լաւագոյն արդիւնքը ցոյց տուաւ Աննա Խաչատրեանը:
Մինչեւ 16 տարեկան պատանիներուն մէջ լաւագոյն արդիւնքը ցոյց տուաւ Վահէ Սուքիասեանը: