Շեր. Երգչուհի, դերասանուհի

Շերիլին Սարգիսեան (Շեր) ծնած է 1946-ին Քալիֆորնիա: ՀայրըՃոն Փոլ Սարգիսեան,մերիկահայ բեռնատարի վարորդ էր, իսկ մայրը Ճորճիա Հոլթ դերասանուհի էր, անգլիական եւ ֆրանսական ծագումով:

Ամերիկահայ փոփ-երգչուհի, երգերու հեղինակ, դերասանուհի, բեմադրիչ եւ երաժշտական արտադրող Շեր յաճախ կը կոչուի «փոփի աստուածուհի»: Ունի մէկական օսքար, կրէմմի, էմմի, երեք ոսկէ Կլոպուս եւ զանազան ուրիշ մրցանակներ: Ամերիկեան հիթ շքերթի պատմութեան մէջ սահմանած է նոր չափանիշ դառնալով առաջին երգչուհին, որուն երգերը վեց տասնամեակ շարունակ գլխաւորած են ամերիկեան հիթ շքերթը: Շերը Հայաստան այցելած է 1993, Ապրիլ 28-ին, իր հետ տանելով 2,5 միլիոն տոլարի մարդասիրական օգնութիւն դեղորայք, բժշկական սարքեր եւ սնունդ: Այցելած է որբանոցներ, մանկական հիւանդանոցներ:

Տեսնելով հիւանդ փոքրիկները` Շերը ծանր տպաւորութիւններու պատճառով հրաժարած է նախագահի եւ Ամենայն հայոց կաթողիկոսի հետ հանդիպելէ:

Աւելի քան 5 տասնամեակ երգչուհիի ասպարէզ ծաւալող Շերիլին Սարգիսեան, իր վերջին հարցազոյցներէն մէկուն ընթացքին պատմած է, թէ «երբեք չէ եղած Շերի մեծ սիրահարներէն մէկը»՝ հակառակ աշխարհի ամենատաղանդաւոր երգչուհիներէն է:

Ան նաեւ նկատած է, որ դերասանուհի ըլլալն ու նկարահանուիլը շատ աւելի դիւրին է, քան բեմի վրայ ելոյթ ունենալը։