Թուրք Նախկին Նախարարը Ցեղասպանութեան Ճանաչման Հակազդող Քայլեր Կ՝առաջարկէ Խորհրդարանին
Թուրք նախկին պատգամաւոր (1983-1999թթ), նախկին առողջապահութեան, զբօսաշրջութեան նախարար Պիւլենթ Աքարճալըն թրքական «Milliyet»-ի մէջ հրապարակած իր յօդուածով անդրադարձած է ԱՄՆ ծերակուտականներու ցեղասպանութեան վերաբերեալ Պայտընին ուղղած նամակին: Այս մասին ԵՌԱԳՈՅՆ-ը կը տեղեկանայ Ermenihaber.am-էն։
Յօդուածին մէջ Աքարճըն Թուրքիոյ խորհրդարանին կ՝առաջարկէ գործողութիւններու ծրագիր՝ ԱՄՆ-ի կողմէ Հայոց Ցեղասպանութեան ճանաչումը կանխելու նպատակով։
Ըստ անոր՝ Թուրքիոյ հակաքայլերու ծանրութեան կեդրոնը պէտք է ըլլայ խորհրդարանին վրայ, քանի որ ցեղասպանութեան ճանաչման բանաձեւերը կ՝ընդունուին այլ երկիրներու խորհրդարաններուն կողմէ: Խորհրդարանին ներկայացուցած Աքարճըի առաջարկները.
– ԹԱՄԺ-ի (Թուրքիոյ ազգային մեծ ժողով – ԹԱՄԺ) նախագահ Մուսթաֆա Շենթոփի կողմէ երկխօսութեան հիմնում Քոնկրեսի մէջ իր պաշտօնակիցին հետ:
– Առնուազն ազգային հարցերու մէջ ԹԱՄԺի-ի վերկուսակցական դիրքորոշման աւելի ուժեղ ներկայացում Քոնկրեսի մէջ:
– ԹԱՄԺ-ի արտաքին յարաբերութիւններու յանձնաժողովի անդամներու փոքր խումբերով արդիւնաւէտ այցեր Ուաշինկթըն, այցերը պէտք է ծրագրաւորուած ըլլան:
-Քոնկրեսի արտաքին յարաբերութիւններու եւ ռազմական յանձնաժողովներու անդամները հրաւիրել Թուրքիա:
– Խորհրդարանի արտաքին յարաբերութիւններու յանձնաժողովին մէջ աշխատող մասնագիտական խումբերու՝ Քոնկրեսի արտաքին յարաբերութիւններու պատասխանատուներու եւ մասնագէտներու հետ երկխօսութեան ցանցի հիմնում:
– ԹԱՄԺ-էն գացող պատուիրակութիւններու հանդիպումներ նաեւ ԱՄՆ-ի մամուլի եւ ուղեղային կեդրոններու անդամներու հետ:
– ԹԱՄԺ-ը կողմէ աւելի Թուրքիոյ եւ լոպպիի ու PR-ի աշխատանքներուն աւելի մեծ տեղի յատկացում:
– Միջխորհրդարանական բարեկամական յանձնաժողովներէն կազմուած համատեղ արհեստագիտական աշխատանքային խումբի ստեղծում:
– ԹԱՄԺ-ի պատգամաւորներու եւ քոնկրեսականներու հանդիպումներ թուրք-ամերիկեան յարաբերութիւններու թեմայով յստակ առցանց ձեռնարկներու ժամանակ: