«Համազգային»ը եւ ԵՊՀ-ն Յակոբ Կարապենցին Նուիրուած Միջազգային Գիտաժողով Կը Նախաձեռնեն
Համազգային հայ կրթական եւ մշակութային միութիւնն ու Երեւանի պետական համալսարանը 2021 Սեպտեմբեր 23-ին կը նախատեսեն կազմակերպել միջազգային գիտաժողով՝ նուիրուած արձակագիր, հրապարակախօս, հասարակական գործիչ Յակոբ Կարապենցին։ Գիտաժողովը նպատակ ունի համակողմանիօրէն, գիտական արդիական չափանիշներով քննելու եւ արժեւորելու Յակոբ Կարապենցի գրական ժառանգութիւնը եւ հասարակական գործունէութիւնը:
Գիտաժողովին կրնան մասնակցիլ գիտնականներ Հայաստանէն եւ Սփիւռքէն։ Զեկուցումներուն յայտերը եւ զեկոյցները կ՝ընդունուին մինչեւ 2021 Օգոստոս 15։
Յայտերը ներկայացնել՝
«Համազգային»ի գրասենեակ`
Մաշտոցի 37/14, հեռ. + (374) 10 53 39 49,
ել հասցէ.՝ hayastan@hamazkayin.com,
ԵՊՀ հայ բանասիրութեան բաժանմունք`
Աբովեան 52ա,
հեռ. + (374) 60 71 06 24, ել․ հասցէ.՝ armphilology@ysu.am: