Արցախի Նորանշանակ Պաշտպանութեան Նախարարը Խոստացած է Առաւելագոյնը Ընել Ժողովուրդի Ակնկալիքները Արդարացնելու Համար
Արցախի Հանրապետութեան նորանշանակ պաշտպանութեան նախարար, պաշտպանութեան բանակի հրամանատար Միքայէլ Արզումանեանը շնորհակալութիւն յայտնած է նախագահ Արայիկ Յարութիւնեանին բարձր վստահութեան համար:
Արզումանեան խոստացած է ընել հնարաւորը ժողովուրդին ակնկալիքները լաւագոյնս արդարացնելու համար:
«Կը ծառայեմ հայրենիքիս»,- ըսած է Արցախի նորանշանակ Պաշտպանութեան նախարարը:
Արցախի Հանրապետութեան նախագահ
Արայիկ Յարութիւնեան ՊԲ մարտական կառավարման կեդրոնին մէջ Հոկտեմբեր 26-ին
ներկայացուց իր
կողմէ ստորագրուած
հրամանագիրները, որոնց համաձայն, կապուած մարտական խնդիր
կատարելու ժամանակ ԱՀ ՊՆ, ՊԲ հրամանատար, զօրավար Ջալալ Յարութիւնեանի վիրաւորուելու փաստին հետ, վերջինս
ազատուած է
զբաղեցուցած պաշտօնէն, իսկ ԱՀ ՊՆ, ՊԲ հրամանատարի պաշտօնին նշանակուած է նախապէս հանրապետութեան
զինուած ուժերու մէջ շարք մը պատասխանատու պաշտօններ զբաղեցուցած զօրավար-գնդապետ Միքայէլ Արզումանեանը:
Արայիկ Յարութիւնեան վստահութիւն
յայտնած է, որ զօրավար Միքայէլ Արզումանեանի
հրամանատարութեամբ պաշտպանութեան բանակը այսուհետեւ պիտի արձանագրէ շատ աւելի ծանրակշիռ յաջողութիւններ: