Սենթ Լուիսի Մրցաշարին Լեւոն Արոնեանը Յաղթած է Լենիէր Տոմինկեսին

Հայկական շախմատի առաջատար Լեւոն Արոնեանը 2020 Saint Louis Rapid & Blitz առցանց մրցաշարի արագ խաղի վերջին երեք պտոյտներուն՝ երկու պարտութենէ ետք՝ յաղթանակ տարած է ամերիկացի Լենիէր Տոմինկեսի նկատմամբ:

Մրցաշարին Լեւոն Արոնեանը՝ արագ խաղի 9 պտոյտներէն ետք՝ ամերիկացի Հիկարու Նագամուրայի եւ հնդիկ Բենդալա Հարիգրիշնայի հետ կը կիսէ 5-7-րդ տեղերը՝ 18 հնարաւորէն վաստակելով 9 միաւոր: Առաջատարը 13 միաւորով ամերիկացի Ուեսլի Սոն է:

Մրցանակային հիմնադրամը 250 հազար տոլար է, յաղթողը պիտի ստանայ 50 հազար տոլար։ Շուտով կայծակնային խաղի 18 պտոյտներն են։ Մրցաշարը պիտի աւարտի Սեպտեմբեր 19-ին։