Սուրբ Աստուածածնի Վերափոխման Տօնը Մայր Աթոռ Սուրբ Էջմիածինի մէջ

Օգոստոս 16-ին, Հայաստանեայց Առաքելական Սուրբ Եկեղեցին նշեց Տիրամօր՝ Սուրբ Մարիամ Աստուածածնի Վերափոխման տօնը: Այս մասին ԵՌԱԳՈՅՆ-ը կը տեղեկանայ Մայր Աթոռի Facebook-ի էջէն։

Բերկրառատ օրուան առիթով՝ Մայր Աթոռ Սուրբ Էջմիածինի Սուրբ Տրդատի բաց խորանին մատուցուեցաւ Սուրբ Պատարագ: Պատարագիչն էր Մայր Աթոռի Վարչատնտեսական բաժինի տնօրէն Գերաշնորհ Տ. Մուշեղ եպիսկոպոս Բաբայեան:

Յաւարտ Սուրբ Պատարագի, հանդիսապետութեամբ Գարեգին Երկրորդ Ամենայն Հայոց Հայրապետի, Սուրբ Տրդատի բաց խորանին կատարուեցաւ «Խաղողօրհնէք»-ի հանդիսաւոր կարգը:

Օրհնուած խաղողի ողկոյզները բաժնուեցան հաւատաւոր ժողովուրդին: