ՀՕՄ-ի Նախաձեռնութեամբ՝ «Հայութիւնը` Լիբանանի Կողքին» Համահայկական Բարեգործական Համերգային Ծրագիր
Օգոստոս 15-ին` Երեւանի
ժամանակով 21:00-ին, Հայ Օգնութեան Միութեան նախաձեռնութեամբ, «Երկիր Մեդիա» հեռուստաընկերութեան
ուղիղ հեռարձակմամբ պիտի մեկնարկէ «Հայութիւնը` Լիբանանի կողքին» համահայկական բարեգործական
համերգային ծրագիրը, որուն ողջ հասոյթը պիտի ուղղուի Լիբանանի հայ համայնքի օժանդակութեան:
Հեռարձակման կարելի է հետեւել Հայ Օգնութեան միութեան դիմատետրի էջով
(www.facebook.com/ars1910):
Պէյրութէն, Երեւանէն եւ Լոս Անճելըսէն իրենց կատարումներով հանդէս պիտի գան Յարութ
Փամբուկչեան (ԱՄՆ), լիբանանահայ արուեստագէտներ` խմբակային ելոյթով (Լիբանան), Վիգէն
Եագուպեան (ԱՄՆ), Ներսիկ, Աղասի եւ Արաբօ Իսպիրեաններ (Հայաստան), Արսէն Գրիգորեան`
Մրօ (Հայաստան), Մուրատ Մշեցին (Հայաստան), Դաւիթ Ամալեան (Հայաստան), Լեյլա Սարիբէկեան
(Հայաստան), Մկրտիչ Մկրտիչեանը` Մակիչ (Հայաստան), Սամուէլ Երանեան (Հայաստան), Դրօ
Գրիգորեան (ԱՄՆ) եւ Քրիստափոր Արապեան (ԱՄՆ):
Հանգանակութիւն կարելի է կատարել ՀՕՄ-ի կայքէջով (ars1910.org) կամ ԱՄՆ-ի մէջ`
44321 համարին «StandwithLebanon» գրութեամբ հաղորդագրութիւն ուղարկելով:
Հայաստանէն հանգանակութեան կարելի է մասնակցիլ փոխանցում կատարելով Հայ Օգնութեան Միութեան
Հայաստանի Շրջանային վարչութեան Ակբա-կրեդիտ Ագրիկոլ դրամատան հետեւեալ առանձնացուած
հաշուեհամարներուն․
220553350756000 (ՀՀ Դրամ)
220553350350001 (ԱՄՆ տոլար)
/Աջակցութիւն Լիբանանահայութեան/