Երուսաղէմի Քաղաքապետը Ներկայ Եղած է Հայկական Յախճապակիի Արուեստին Նուիրուած Ցուցահանդէսին
Երուսաղէմի քաղաքապետ Մոշէ Լիոնը նախօրէին այցելած է «Բնութեան թանգարան»՝ դիտելու հայկական յախճապակիի արուեստին նուիրուած ցուցահանդէսը։ Այս մասին ԵՌԱԳՈՅՆ-ին կը տեղեկացնէ Երուսաղէմի հայոց պատրիարքարանի դիւանապետ Յովնան Պաղտասարեան։
Ցուցահանդէսը նուիրուած է Սուրբ Երկրին մէջ հայկական յախճապակիի արուեստի հաստատման 100-ամեակին եւ կազմակերպուած է «Հայերը Երուսաղէմի մէջ» փառատօնին ծիրէն ներս»։
Ցուցահանդէսին ներկայացուած են Գէորգ եւ Տորին Սանտրունիներու աշխատանքները։
«Բնութեան թանգարան»-ի շէնքը պատկանած է հայ ընտանիքի: 1948-էն ետք անիկա վերածուած է թանգարանի։