Երիտասարդ Ըմբիշները Ուքրանիոյ Մէջ Մետալներ Նուաճած են

Հայաստանը ներկայացնող երիտասարդ ըմբիշները մետալներ նուաճած են Ուքրանիոյ միջազգային մրցաշարին: Այս մասին կը հաղորդէ ՀՀ ըմբշամարտի դաշնութիւնը:

Ուքրանիոյ Զաբորոժիէ քաղաքին մէջ կայացած է անուանի ըմբիշ Եւգենի Տրուխինի յուշամրցաշարը, որուն մասնակցած են նաեւ յունահռոմէական ոճի Հայաստանը ներկայացնող երիտասարդ ըմբիշները: Պրոնզէ մետալներ նուաճած են Արման Վարդանեան (60 քկ), 77 քկ քաշային Ռաֆիկ Միխէեւ եւ 130 քկ քաշային Ռազմիկ Քուրտեան: 6 ըմբիշ ալ պայքարած են պրոնզէ մետալներու համար, սակայն պարտութիւն կրած են:

Մրցաշարին Հայաստանը ներկայացուցած են 10 հայ ըմբիշներ: Ընդհանուր առմամբ՝ յուշամրցաշարին մասնակցած է 8 երկրի ըմբիշ: