Հայաստանն ու UNMAS-ի Սուրիական Գրասենեակը Պիտի Գործակցին
Սուրիոյ մէջ ՀՀ դեսպան Տիգրան Գէորգեան եւ ՀՀ մարդասիրական խումբի ներկայացուցիչ Արկադի Տօնոյեան մասնակցած են ՄԱԿ-ի Ականազերծման ծառայութեան (UNMAS) սուիրիական գրասենեակի ղեկավար կազմի հետ քննարկումին:
ՀՀ Արտաքին գործոց նախարարութենէն կը նշեն, որ անդրադարձ եղած է ՀՀ մարդասիրական խումբի կազմին մէջ եղող սակրաւորներու եւ UNMAS-ի սուրիական գրասենեակի միջեւ համագործակցութեան հնարաւորութիւններուն:
Տիգրան Գէորգեան ընդգծած է, որ երկու կողմերու ջանքերու ճիշդ համադրումը կրնայ Սուրիոյ մէջ մարդասիրական իրավիճակի բարելաւման համար դրական արդիւնքներ տալ:
UNMAS-ի ներկայացուցիչները բարձր գնահատած են Հայաստանի մարդասիրական առաքելութիւնը Սուրիոյ մէջ` նշելով, որ մարդասիրական ականազերծման ոլորտին մէջ առկայ են համագործակցութեան բազմաթիւ եզրեր: