Անթիլիասի Մէջ Տեղի Պիտի Ունենայ Հայ Մամուլի Համահայկական Համագումար

Երեքշաբթի, 2 Յուլիս 2019-ի առաւօտեան ժամը 9:30-ին, նախագահութեամբ Արամ Ա. Կաթողիկոսին, Անթիլիասի Մայրավանքին մէջ բացումը տեղի պիտի ունենայ Հայ Մամուլին նուիրուած Համահայկական Համագումարին: Համագումարին պիտի մասնակցին շուրջ հարիւր հայ մամուլի խմբագրապետներ, խմբագիրներ, լրագրողներ եւ աշխատակիցներ՝ Հայաստանէն, Արցախէն եւ Սփիւռքէն: Համագումարին փակումը տեղի պիտի ունենայ Հինգշաբթի, 4 Յուլիս 2019-ին:

Յիշեալ Համագումարին պաշտօնական բացման նիստի ուղիղ սփռումին կրնաք հետեւիլ առաւօտեան ժամը 09։30-ին (Լիբանանի ժամով), Cilicia TV–ի միջոցաւ։