Թուրքիոյ Խորհրդարանի Նախագահը Հրաժարական Տուած է
Փետրուար 18-ին, Թուրքիոյ խորհրդարանի նախագահ Պինալի Եըլտըրըմը հրաժարական տուած է։ Այս մասին ան յայտնած է խորհրդարանի սրահներներէն մէկուն մէջ պատգամաւորներու հետ հանդիպման ժամանակ, կը հաղորդէ Ermenihaber.am-ը՝ վկայակոչելով Sozcu-ն։
Մինչ խորհրդարանի նոր նախագահի ընտրուիլը, Եըլտըրըմը իր պարտականութիւնները ժամանակաւորապէս պիտի փոխանցէ Թուրքիոյ «Ազգայնական շարժում» (ԱՇԿ-MHP) կուսակցութիւնը ներկայացնող պատգամաւոր Ճէլալ Ատանին։
Ըստ թրքական աղբիւրին՝ հրաժարականին պատճառը այն է, որ Եըլտըրըմը Թուրքիոյ մէջ կայանալիք ՏԻՄ ընտրութիւններուն ծիրէն ներս՝ իշխող «Արդարութիւն եւ զարգացում» (ԱԶԿ-AKP) կուսակցութենէն պիտի առաջադրուի Պոլսոյ քաղաքապետի թեկնածու։
Յիշեցնենք, որ Պինալի Եըլտըրըմը 2016-2018թթ. զբաղցուցած է Թուրքիոյ վարչապետի պաշտօնը։