Արամ Ա. Կաթողիկոս Կը Հետեւի Վենեզուելայի Հայ Գաղութի Իրավիճակին

Արամ Ա. վեհափառ հայրապետը կը հետեւի վերջին օրերուն Վենեզուելայի մէջ ստեղծուած կացութեան զարգացումներուն եւ այդ ծիրին մէջ հայ գաղութին դիմագրաւած դժուարութիւններուն:

Արդարեւ, Շաբաթ, 2 Փետրուար 2019-ին, վեհափառ հայրապետը հեռաձայնային հաղորդակցութեամբ կապ հաստատեց Վենեզուելայի հոգեւոր տեսուչ Կոմիտաս արք. Օհանեանի եւ հոգեւոր հովիւ Վահրիճ վրդ. Ղարախանեանին հետ: Անոնք վեհափառ հայրապետին պարզեցին ստեղծուած կացութեան զանազան երեսները, յատկապէս քաղաքական զարգացումները եւ ժողովրդային ցոյցերը: Վեհափառ հայրապետը մօտէն հետաքրքրուեցաւ մեր համայնքին առնչուած դժուարութիւններուն: