Համազգային Համախմբման Ձեւաւորում՝ ՀՀ Ընդդիմադիր Ուժերուն Կողմէ

ՀՀ ընդդիմադիր ուժերը, Նոյեմբեր 4-ին, ունեցան ընդլայնուած հանդիպում մը, որուն աւարտին հրապարակեցին յայտարարութիւն.

«Մենք` ներքոստորագրեալ հայաստանեան քաղաքական ուժերս, գիտակցելով հայ ժողովրդի եւ հայոց պետականութեան առջեւ ծառացած ճակատագրական մարտահրաւէրների ողջ լրջութիւնը, ունենալով մօտեցումների տարբերութիւններ եւ տարակարծութիւններ մի շարք հարցերում, այդուհանդերձ`

յայտարարում ենք համազգային համախմբման ձեւաւորման մասին` հաստատելով համախմբման հետեւեալ առաջնային նպատակները.

-ալիեւեան սահմանադրութեան պարտադրանքի մերժում,

-խաղաղութիւն` առանց միակողմանի զիջումների եւ տարածքային կորուստների,

-ազգային ինքնութեան եւ Հայաստանեայց առաքելական սուրբ եկեղեցու պաշտպանութիւն,

-ժողովրդավարական ազատութիւնների եւ իրաւունքների վերականգնում:

Ներքոստորագրեալ քաղաքական ուժերը համաձայնում են միաւորել իրենց ջանքերը` գերակայ ազգային խնդիրների շուրջ հանրային միասնութեան մթնոլորտ ձեւաւորելու եւ մեր երկրի առաջ ծառացած մարտահրաւէրներին դիմագրաւելու նպատակով:

Բոլոր քաղաքական ուժերին, հանրային եւ հասարակական գործիչներին կոչ ենք անում մաս կազմել ազգային այս համախմբմանը»:

«Ուժեղ Հայաստան»
«Հայաստան» դաշինք
«Հայաքուէ»
«Ապրելու երկիր»
«Բարգաւաճ Հայաստան»
«Հայաստանի Հանրապետական
կուսակցութիւն»
«Հայ ազգային քոնկրես»
«Ժառանգութիւն»
«Միասին»
«Դեմոկրատական այլընտրանք»
«Նոր դարաշրջան»
«Միաւորուած հայեր»