Շառլ Ազնաւուրի Ինքնաշարժը Աճուրդի Պիտի Դրուի

Ֆրանսայի մէջ աճուրդի պիտի դրուի աշխարհահռչակ երգիչ-երգահան Շառլ Ազնաւուրին պատկանած La Vanden Plas Princess մակնիշի ինքնաշարժը: «Արմենփրես»-ի փոխանցմամբ` յայտնած է ֆրանսական  Le Figaro-ն:

Աճուրդը տեղի պիտի ունենայ Փետրուար 7-ին: 1996-ի արտադրութեան ինքնաշարժը Ազնաւուրը շատ քիչ օգտագործած է: Ան կը գտնուէր Ազնաւուրի քրոջը պատկանող Շաթօ տէ Պուրտոն պալատին մէջ:

Ֆրանսահայ յայտնի երգիչ Շառլ Ազնաւուր մահացած է 2018-ի Հոկտեմբեր 1-ին: