Մինչեւ 24 Միլիոն Դրամ Շրջանառութիւն Ունեցող Գործարարութիւնը Պիտի Ազատուի Հարկերէն
ՀՀ վարչապետ Նիկոլ Փաշինեանը ֆէյսպուքեան ուղիղ եթերով յայտարարած է, որ մինչեւ 24 միլիոն դրամ շրջանառութիւն ունեցող գործարարութիւնը պիտի ազատուի հարկերէ:
Վարչապետը ըսած է, որ նոր Հարկային օրէնսգիրքը ուժի մէջ պիտի մտնէ խորհրդարանի կողմէ հաստատուելէն ետք:
«Որպէսզի պարզենք, թէ որ գործարարութիւնն է փոքր, պէտք է բոլոր ձեռներէցները հսկիցչ դրամարկղային մեքենայ տեղադրեն: Եթէ տարուան վերջը պարզուի, որ 24 միլիոն դրամէն ցածր է իր շրջանառութիւնը, ապա մենք անոր հետ ոչ մէկ հարց կ՛ունենանք» – ըսած է Փաշինեան` շեշտելով, որ պէտք է հաստատուի «ՀԴՄ-ական դիկտատորութիւն», երբ ՀԴՄ չտալը պիտի բացառուի:
Կառավարութիւնը մշակած է Հարկային նոր օրէնսգիրք: