Վահագն Աթաբեկեանը Նշանակուած Է Լիբանանի Մէջ Հայաստանի Դեսպան
Հայաստանի Հանրապետութեան նախագահ Արմէն Սարգսեան հրամանագիր ստորագրած է Սամուէլ Մկրտչեանը Լիբանանի մէջ Հայաստանի Հանրապետութեան արտակարգ եւ լիազօր դեսպանի պաշտօնէն յետս կոչելու մասին: Այլ հրամանագիրով մը` Սամուէլ Մկրտչեան նշանակուած է Լեհաստանի մէջ Հայաստանի դեսպան:
Հայաստանի նախագահի հասարակութեան հետ կապերու վարչութիւնը կը տեղեկացնէ, որ նախագահի այլ հրամանագիրով մը Լիբանանի մէջ Հայաստանի արտակարգ եւ լիազօր դեսպան նշանակուած է Վահագն Աթաբեկեան: