Արտահերթ Խորհրդարանական Ընտրութիւններու Քարոզարշաւին Պիտի Յատկացուի 12 Օր
Դեկտեմբեր 9 -ին նշանակուած խորհրդարանական արտահերթ ընտրութիւններու քարոզարշաւը պիտի տեւէ կարճ ժամանակ՝ 12 օր, Նոյեմբեր 26-էն 7 Դեկտեմբեր:
Նշենք, որ անցեալ տարի տեղի ունեցած հերթական ընտրութիւններու քարոզարշաւին համար տրամադրուած էր 27 օր:
Կեդրոնական ընտրական յանձնաժողովը (ԿԸՅ) Ուրբաթ, Նոյեմբեր 2-ին հաստատեց ընտրութիւններու ժամանակացոյցը:
«Ոչ միայն քարոզարշաւն, այլեւ բազմաթիւ այլ գործառոյթներ մենք պիտի իրականացնենք աւելի կարճ ժամկէտներու մէջ»,- յայտարարեց ԿԸՅ նախագահ Տիգրան Մուկուչեան:
Արդէն Ուրբաթ օրուընէ մեկնարկած է կուսակցութիւններու եւ դաշինքներու առաջադրումը:
Վերջնաժամկէտը 14 Նոյեմբերն է: