14-րդ «Դիլիջան» Համերգաշարի Անդրանիկ Ձեռնարկը Լոս Անճելըսի Մէջ

«Լարք» երաժշտական ընկերակցութեան կազմակերպած սենեկային երաժշտութեան 14-րդ «Դիլիջան» համերգաշարին անդրանիկ ձեռնարկը տեղի պիտի ունենայ Կիրակի, Հոկտեմբեր 21-ին, կ.ե. ժամը 3-էն սկսեալ, Լոս Անճելըսի քաղաքամէջի «Քոլպըրն» երաժշտանոցի «Զիփըր» համերգասրահին մէջ (200 S. Grand Ave., Los Angeles, CA 90012): Այս մասին կը հաղորդէ «Ասպարէզ»-ը։

«Ոգի» խորագրուած այս համերգին պիտի ներկայացուին համաշխարհային երկու անդրանիկ կատարումներ՝ Աշոտ Քարթալեանէն (Լոս Անճելըս) եւ Արթիւր Ահարոնեանէն (Փարիզ), ինչպէս նաեւ Պրամզի Լարային թիւ 1 վեցեակը։

Ամերիկայի Հայ աւետարանաչական ընկերակցութեան նուիրուած սոյն համերգին գլխաւոր կատարողներն են՝ Շուշիկ Պարսումեան (սոփրանօ), Քերի Տենիս (ջութ), Վարդան Գասպարեան (թաւջութակ), Ճան Լի Քինըն (թենոր), Էտուըրտ Լեւի (պարիթոն), Անթոնիօ Լիսի (թաւջութակ), Ֆիլ Օ՛Քանըր (քլարինեթ), Մովսէս Պօղոսեան (ջութակ), Քէյթ Վինսընթ (ջութ) եւ Էլիզապէթ Ուիլսըն (ջութակ)։

Համերգի տոմսերուն սակը 20 կամ 35 տոլար է, իսկ ուսանողներու համար՝ 15 տոլար:

Տեղեր ապահովելու համար, դիմել (818) 500-9997 թիւին, կամ այցելել https://dilijan.larkmusicalsociety.com կայքը: