Թուրքիոյ Մէջ Ծեծած են Ազգայնական Կուսակցութեան Առաջնորդը Հայ Անուանողը
Թուրքիոյ մէջ «հայ» բառը իբրեւ վիրաւորանք ընկալելու հետեւանքով՝ տեղի ունեցած է հերթական վիճաբանութիւնը, որ ուղեկցուած է ծեծկռտուքով: Միջադէպը, ըստ Ermenihaber.am-ւի, տեղի ունեցած է Թուրքիոյ «Ազգայնական շարժում կուսակցութեան» (MHP-ԱՇԿ) Ալանիա քաղաքի տարածքային կառոյցի ղեկավար Մուսթաֆա Թիւրքտողանի եւ Թուրքիոյ թռիչքուղիներու ընկերակցութեան Ալանիայի մասնաճիւղի ղեկավար Մեթին Աքտենիզի միջեւ:
Ալանիոյ մէջ տեղի ունեցած հանրային ձեռնարկի մը ժամանակ՝ Թիւրքտողան մօտեցած եւ ապտակած է Աքտենիզը, անոր համար, որ վերջինս Twitter-ի մէջ «համարձակած էր» ազգայնական կուսակցութեան առաջնորդ Տէվլէթ Պահչելիին հայկական ծագում վերագրել:
Այս միջադէպէն կարճ ժամանակ անց՝ Թուրքիոյ թռիչքուղիներու ընկերակցութիւնը յայտարարած է Աքտենիզլին Ալանիայի մասնաճիւղի ղեկավարի պաշտօնէն զրկելու մասին: Ընկերակցութեան յայտարարութեան մէջ յստակ նշուած է, որ պաշտօնազրկման պատճառը Աքտենիզլիի գրութիւնն է ու անոր հետեւանքով առաջացած աղմուկը:
Աքտենիզլին Տէվլէթ Պահչելիի մասին Twitter-ի վրայ ըրած էր հետեւեալ գրութիւնը.
«Ծնած է (Պահչելի-EH) 1948 թուականին Օսմանիյէ նահանգի Պահչէ շրջանին մէջ: Սիվերեքի հայերէն սերող ընտանիքի մը զաւակն է: Աւելի ուշ իսլամացած ընտանիքը Սիվերեքէն գաղթած ու հաստատուած է Պահչէի մէջ»: