Ֆլորա Մարտիրոսեան. Երգչուհի

Ֆլորա Մարտիրոսեան ծնած է Գիւմրի, 1957-ին։ Վոկալ տուեալները ժառանգած է մօրմէն։ Աւարտած է Գիւմրիի Արմէն Տիգրանեանի անուան երաժշտական դպրոցը, այնուհետեւ՝ Երեւանի պետական երաժշտանոցը։

1973-ին մասնակցած է «Գարուն 73» երգի մրցոյթին եւ արժանանացած առաջին մրցանակին։ 1987-ին ամուսնացած է լրագրող Հրահատ Գէորգեանի հետ։ 1991-ին ընտանիքով տեղափոխուած է Լոս Անճելըս։

1997-ին՝ վերադառնալով Երեւան, մինչեւ 2001 գլխաւորած է Արմէն Տիգրանեանի անուան երաժշտական դպրոցը։

2001-ին դարձեալ տեղափոխուած է Լոս Անճելըս եւ 2002-ին հիմնած է Կոմիտասի անուան երաժշտական ակադեմիան։ 2007-ին հիմնած է «Artists for Pease» բարեգործական հիմնադրամը, որուն կազմին մէջ ընդգրկուած են աշխարհահռչակ երգիչներ, իրենց ձայնը բարձրացնելու ընդդէմ ցեղասպանութիւններու,
«Այլեւս երբեք» կարգախօսով։

2011-ին, ՀՀ նախագահի հրամանագիրով Ֆլորա Մարտիրոսեանի շնորհուած է Հայաստանի Հանրապետութեան ժողովրդական արտիստի պատուաւոր կոչում:

Երգչուհին մահացած է 2012-ին, Լոս-Անճելըսի մէջ։