Կարսի Հայկական Պատմական Գերեզմանները Գանձագողերու Համար Թիրախ Դարձած են

Աշխարհ, Էրկիր

Կարսի Ուչլեր թաղամասի հայկական պատմական գերեզմանները կը շարունակուին աւերուիլ եւ ոչնչանալ։ Քաղաքի բնակիչները կը պահանջեն հնարաւորինս շուտ պահպանման տակ վերցնել զանոնք։ Այս մասին, ըստ Akunq.net-ի, կը հաղորդէ «Ճումհուրիյէթ» պարբերականը։

Բնակիչներուն մէջ, իբրեւ հայկական գերեզմանոց յայտնի այդ վայրին մէջ, խաչի պատկերներով բազմաթիւ գերեզմանաքարեր կան։ Այնտեղ կը գտնուի նաեւ հայկական եկեղեցին, որ նոյնպէս փլելու վտանգի տակ է։

Թէ՛ եկեղեցին եւ թէ գերեզմանները թիրախ դարձած են գանձ որոնողներու, որոնք մեծ փոսեր փորած են այնտեղ։

Թրգերէնէ թարգմանեց Մելինէ Անումեան