Արցախի Մէջ Պիտի Իրականացուի «Երգով ու Սիրով» Խորագիրով Երգչախմբային Փառատօնը

«Թիկունքը՝ մշակոյթ, սահմանը՝ կեդրոն» ծրագրի ծիրէն ներս՝ Յունիս 11-13, «Հայաստանի փոքրիկ երգիչներ» մանկական ֆիլհարմոնիան Արցախի մէջ պիտի իրականացնէ «Երգով ու սիրով» խորագիրը կրող երգչախմբային փառատօնը՝ աջակցութեամբ ՀՀ Կրթութեան, գիտութեան, մշակոյթի եւ մարմնակրթութեան նախարարութեան։

ԱՀ ԿԳՄՄ յայտարարութեան համաձայն՝ փառատօնին կը մասնակցին՝

«Հայաստանի փոքրիկ երգիչներ» երգչախումբը (գեղարուեստական ղեկավար՝ Տիգրան Հեքեքեան), Ստեփանակերտի ՄՊՍԿ մանկական երգչախումբը (խմբավար՝ Մարինէ Մեսրոպեան),

Հադրութի մանկական երգչախումբը (խմբավար՝ Մարուսիա Մարտիրոսեան),

Մարտունիի մանկական երգչախումբը (խմբավար՝ Զարինէ Տիտանեան),

Ստեփանակերտի Կոմիտասի անուան երաժշտական դպրոցին կից մանկական երգչախումբը (խմբավար՝ Գոհար Գաբրիէլեան):

Փառատօնը կ՝իրականացուի հետեւեալ ժամանակացոյցով՝

Յունիս 11-ին՝ ժամը 19:00-ին, Ստեփանակերտի մշակոյթի եւ երիտասարդութեան պալատին մէջ տեղի կ՝ունենայ համերգ՝ բոլոր երգչախումբերուն մասնակցութեամբ:

Յունիս 12-ին՝ ժամը 11:00-ին, Գանձասարի վանական համալիրին մէջ տեղի կ՝ունենայ պատարագ՝ «Հայաստանի փոքրիկ երգիչներ» երգչախումբին մասնակցութեամբ:

Յունիս 13-ին՝ ժամը 19:00-ին, Ստեփանակերտի Սուրբ Աստուածամօր Յովանու Մայր տաճարին մէջ տեղի կ՝ունենայ հոգեւոր համերգ՝ «Հայաստանի փոքրիկ երգիչներ» երգչախումբին մասնակցութեամբ:

Մանրամասն տեղեկութիւններու համար կրնաք զանգահարել (047) 94 39 96 հեռախօսահամարին: