Հայ Մարմնամարզիկները Աշխարհի Բաժակի Ախոյեաններ Են
Տոհայի մէջ ընթացող աշխարհի բաժակի խաղարկութեան հերթական փուլի օղակներու վարժութեան՝ Վահագն Դաւթեան հաւաքելով 14.700 միաւոր գրաւեց առաջին տեղը, իսկ Արթուր Աւետիսեանը՝ 14.500 միաւորով երկրորդն է: Այս մասին ԵՌԱԳՈՅՆ-ը կը տեղեկանայ «Երկիր»-էն։
Հայաստանի մարմնամարզութեան հաւաքականի անդամ Վահագն Դաւթեանը դարձաւ ոսկիէ, իսկ Արթուր Աւետիսեանը արծաթէ մետալակիր աշխարհի բաժակի խաղարկութեան:
Նախապէս աշխարհի բաժակի խաղարկութեան նժոյգ-թափերու վարժութեան Յարութիւն Մերտինեան դարձած էր պրոնզէ մետալակիր:
Օրեր առաջ ալ Ողիմպիական խաղերու պրոնզէ մեդալակիր Արթուր Դաւթեանն ալ աշխարհի բաժակի խաղարկութեան գերմանական փուլին նուաճած էր ոսկիէ մետալ։