Հայաստանի Խումբը 4 Ոսկի, 3 Արծաթ եւ 2 Պրոնզ Մետալ Նուաճած է

Երիտասարդ հայ բռնցքամարտիկները 4 ոսկի, 3 արծաթ եւ 2 պրոնզ մետալ նուաճած են Վրաստանի Քութաիսի քաղաքին մէջ իրականացուած աշխարհի ու Եւրոպայի առաջնութեան բազմակի մրցանակակիր Ակակի Գագաուրիձէի անուան յուշամրցաշարին։ Այս մասին ԵՌԱԳՈՅՆ-ը կը տեղեկանայ ՀԲՖ-ի մամուլի ծառայութենէն:

Յաղթած են 51 քկ քաշային Թումաս Թովմասեան, 54 քկ քաշային Գոռ Ազիզեան, 57 քկ քաշային Մանուէլ Պետրոսեան, եւ գերծանր քաշային Ալպերթ Յարութիւնեան:

63,5 քկ քաշային Արման Միսկարեան, 67 քկ քաշային Ռոպերթ Ենգիբարեան եւ 71 քկ քաշային Գարիկ Անթանոսեան նուաճած են արծաթէ մետալ, իսկ Գոռ Բեգլարեանն ու Արես Յակոբեանը՝ պրոնզէ:

Հայաստանի խումբը մրցավայր մեկնած էր Վազգէն Բադալեանի եւ Արթուր Ուլիխանեանի գլխաւորութեամբ: