Տէր Զօրի Եկեղեցւոյ Համալիրը Քանդուած է Անոր Մէջ Զետեղուած Ռումբերով. Կիլիկիոյ Կաթողիկոսութիւն

Այս տեսերիզին (video) մէջ կը տեսնէք Տէր Զօրի եկեղեցւոյ համալիրը՝ իր նախկին եւ ներկայ վիճակին մէջ։ Յստակ տեղեկութիւններու համաձայն, համալիրը քանդուած է անոր զանազան մասերուն մէջ զետեղուած ռումբերով։ Այս մասին ԵՌԱԳՈՅՆ-ը կը տեղեկանայ Կիլիկիոյ կաթողիկոսութենէն։

Յայտնենք, որ Տէր Զօրի համալիրը կը բաղկանար եկեղեցիէ, թանգարանէ, մատենադարանէ, համագումարներու յատուկ սրահէ եւ այլ յարակից բաժիններէ։

Անմիջապէս որ շրջանի ապահովական պայմանները թոյլատու ըլլան, Ն.Ս.Օ.Տ.Տ. Արամ Ա. Վեհափառ Հայրապետը պիտի այցելէ Տէր Զօր։