Հայոց Ցեղասպանութեան 106-ամեակին Առիթով-Արիւնատւութիւն Յունաստանի Մէջ
Կազմակերպութեամբ՝
Հ.Կ.Խաչի Շրջանային Վարչութեան
Կիրակի՝ 4 Ապրիլ 2021-ին
Ֆիքսի «Արամ Մանուկեան» ակումբին մէջ ժամը 10։00-14։00
Ուշադրութիւն
Նկատի պէտք է առնուի, թէ արիւնատւութեան գործընթացը պիտի կատարուի «Քորոնա» ժահրի նախզգուշութեան եւ ապահովութեան բոլոր միջոցները օգտագործելով:
Կոչ կ’ուղղենք բոլոր մեր հայրենակիցներուն, իրենց մասնակցութեամբ սատարելու այս մարդասիրական ելոյթի յաջողութեան, որ ո՛չ միայն քարոզչական, այլեւ գործնական արդիւնքներ կ’ապահովէ բոլորին անխտիր։
Արիւնատւութեան ներկայանալէ առաջ նկատի ունենանք հետեւեալ պայմանները.-
• Արիւնատուները իրենց հետ պէտք է ունենան ինքնութեան թուղթ եւ Ընկերային Ապահովագրութեան իրենց թիւը (ΑΜΚΑ):
• Արեան մատուցումը պէտք չէ կատարուի անօթի ստամոքսով. անհրաժեշտ է թեթեւ նախաճաշ մը ըրած ըլլալ եւ մանաւանդ առատ ջուր կամ հիւթեր խմել: Անշուշտ, ակումբին մէջ միշտ կը տրամադրուի անհրաժեշտ սնունդը արիւն տալէն անմիջապէս առաջ եւ յետոյ:
• Նախորդ գիշերը նուազագոյնը 5-6 ժամ լաւ քնացած ըլլալ:
• Նախորդ իրիկուն խմիչք սպառած պէտք չէ ըլլալ (մէկ գաւաթ խմիչքը խնդիր չէ):
• Չենք կրնար արիւն տալ եթէ անթիպիոթիք դեղ կ’առնենք:
• Եթէ դաջուածք (tattoo) ունիք ձեր մարմնին վրայ, նուազագոյնը վեց ամիս պէտք է անցած ըլլայ այն օրէն որ դաջուածքը ըրած էք:
• Արիւն տալու թուականէն նուազագոյնը 24 ժամ առաջ որեւէ դեղօրայք չգործածել, նոյնիսկ ասփիրին, որպէսզի արիւն ներարկուողին առողջութիւնը չվտանգուի:
• Ձեր հետ ունեցէք անձնագիր եւ արիւնատուի քարտը:
• Ուրախ տրամադրութիւն ունենալ, որովհետեւ արեան նուիրաբերումը կեանքի թանկագին նուէր է՝ անոր կարիքը ունեցող հայրենակիցի մը համար:
ՀԱՅ ԿԱՊՈՅՏ ԽԱՉԻ ՇՐՋԱՆԱՅԻՆ ՎԱՐՉՈՒԹԻՒՆ