Բարեգործական Համերգ՝ Յանուն Արցախի
Եւրոպայի մէջ լաւ ծանօթ շարք մը հայ արուեստագէտներ, համագործակցելով օտար գործընկերներու հետ, համախմբուած են յանուն Արցախի:
Անոնք, Նոյեմբեր 15-ին, պիտի ներկայանան համերգային ծրագրով: Հասոյթը պիտի տրամադրուի վիրաւորներուն, զինուորներուն, արցախահայերուն, որոնք ստիպուած եղած են հեռանալ իրենց տուներէն:
Համերգին ելոյթ պիտի ունենան Սերժ Աւետիքեանը, Անտրէ Մանուկեանը, Փաթրիք Ֆիորին, Մեթիու Մատենեանը, Վինսենթ Պակույեանը: