Արցախի Մէջ Ստեղծուած է Պարէտատուն․ Ազատ Տեղաշարժի Սահմանափակումներ Պիտի Ըլլան
Արցախի նախագահ Արայիկ Յարութիւնեան հրամանագիր ստորագրած է երկրի տարածքին ազատ տեղաշարժուելու իրաւունքի որոշակ սահմանափակումներ մտցնելու մասին:
Հրամանագիրով սահմանուած է Արցախէն քաղաքացիներու դուրս գալու յատուկ կարգ:
Ստեղծուած է պարէտատուն, որուն ղեկավարման համար պարէտ նշանակած է Արցախի արտակարգ իրավիճակներու պետական ծառայութեան տնօրէն Կարէն Սարգսեանը:
Արցախի տարածքէն ելքը սահմանափակուած է զօրահաւաքային զօրակոչի ենթակայ ԱՀ քաղաքացիներու համար եւ կը թոյլատրուի միայն յատուկ պարագաներու` պարէտի կողմէ տրուած անցաթուղթի առկայութեան պարագային:
Պարէտը լիազօրուած է նաեւ, ըստ անհրաժեշտութեան, սահմանել ԱՀ որոշակ տարածքներ անձերու, փոխադրամիջոցներու մուտքի (ելքի), այդ տարածքներու մէջ գտնուելու եւ տեղաշարժուելու յատուկ կարգ եւ պայմաններ: