Մանուէլ Պետրոսեան՝ Ստեփան Աւագեանի Յուշամրցաշարի Յաղթող

Ջերմուկի մէջ կը շարունակուի Ստեփան Աւագեանի յուշամրցաշարը։ Այսօր կայացաւ մրցաշարի նախավերջին՝ 8-րդ խաղը։ Այս մասին կը յայտնէ Հայաստանի ճատրակի ֆետերասիոնը։

Մրցաշարի միանձնեայ առաջատար Մանուէլ Պետրոսեանը տօնեց հերթական յաղթանակը եւ, մրցաշարի աւարտէն մէկ խաղ առաջ անհասանելի դառնալով մրցակիցներուն համար, հռչակուեցաւ մրցաշարի յաղթող։

Հայկ Մարտիրոսեանը 5,5 միաւորով կը գտնուի 2-րդ հորիզոնականին, իսկ Շանթ Սարգսեանը 5 միաւորով կ՝եզրափակէ լաւագոյն եռեակը։

Մրցաշարը կ՝իրականացուի շրջանային մրցակարգով՝ 10 մասնակիցներով, 9 խաղափուլով: Մրցաշարը ՖԻԴԵ-ի 10-րդ կարգի է` միջազգային գրոսմայսթըրի չափանիշով (միջին վարկանիշը` 2499.4):  Կը կիրառուի Ֆիշըրի ժամակարգը. 90 րոպէ առաջին 40 քայլին համար, այնուհետեւ 15 րոպէ՝ մինչեւ խաղի աւարտը՝ իւրաքանչիւր քայլին 30 վայրկեան յաւելումով՝ սկսած առաջին քայլէն: Մրցանակային ֆոնտը կը կազմէ 3000 ԱՄՆ տոլար: