ԱՄՆ Բնակչութեան 0․14%-ը Հայկական Ծագման Մասին Յայտարարած է․ Հարցախոյզ

Ամերիկայի Միացեալ Նահանգներու բնակչութեան 0,14 տոկոսը` աւելի քան 462 հազար մարդ, ունի հայկական արմատներ: Այս մասին յայտնի դարձած է American Community Survey (Ամերիկեան համայնքի հետազօտութիւն) տարեկան հարցախոյզի արդիւնքով, կը փոխանցէ Panarmenian-ը՝ վկայակոչելով 247wallst.com-ը:

Քալիֆորնիոյ բնակչութեան 0,65 տոկոսը կամ 252,679 մարդ իրեն կը նոյնականացնէ որպէս հայկական ծագում ունեցողի, որ կը նշանակէ, թէ իրենք զիրենք հայկական ծագմամբ համարողներու 54․68 տոկոսը կ՛ապրի այս նահանգին մէջ:

Նոյն կեդրոնի` 2017-ին կատարած հարցախոյզին արդիւնքներով` ԱՄՆ-ի մէջ կար 485,970 հայկական ծագումով մարդ:

Քալիֆորնիոյ մէջ առաջին հայերը հաստատուած են 1874 թուականին: Անոնց թիւը աճած է 1915 թուականին` Օսմանեանի Թուրքիոյ կողմէ Հայկական Ցեղասպանութենէն ետք: ԱՄՆ-ի ամբողջ բնակչութիւնը աւելի քան 325,000,000 մարդ է: