Անոյշ Թորանեան Ընտրուած է Փարիզի 15-րդ Վարչական Շրջանի Ղեկավար

Հայուհի Անոյշ Թորանեան ընտրուած է Փարիզի 15-րդ վարչական շրջանի ղեկավար: «Արմենփրես»-ի փոխանցմամբ` Թորանեան ընտրութիւններուն յաղթած է թուրք մրցակցուհիին:

Անոյշ Թորանեան Փարիզի գործող քաղաքապետ Անն Իտալկոյի համախոհն ու մօտ ընկերուհին է: Նախապէս Իտալկոն եւս ղեկավարած է Փարիզի 15-րդ վարչական շրջանը, իսկ յետոյ դարձած Փարիզի առաջին կին քաղաքապետը:

Թորանեան ծնած է Ֆրանսիա, 1991 թուականին:

Նախապէս հաղորդած էինք, որ ֆրանսահայ Ժաննա Բարսեղեան ընտրուած է Սթրազպուրկի քաղաքապետ։