Հայաստանի Տնտեսական Աշխուժութեան Ցուցանիշը Երկու Ամսուան Մէջ Աճած է 8.7 Տոկոսով

Տնտեսական աշխուժութեան ցուցանիշը այս տարուան Յունուար-Փետրուարին 8.7 տոկոսով աճած է 2019-ի նոյն ժամանակահատուածի համեմատ: «Արմենփրես»-ի հաղորդմամբ` այս մասին կը փաստեն ՀՀ ազգային վիճակագրական կոմիտէի հրապարակած տուեալները: Մասնաւորապէս արդիւնաբերական արտադրանքի ծաւալը աճած է 15.3 տոկոսով, շինարարութեան ծաւալը` 5.8 տոկոսով, առեւտուրի շրջանառութիւնը` 6.3 տոկոսով: Մատուցած ծառայութիւններու ծաւալը աւելցած է 11.2 տոկոսով:

Սպառողական գիներու ցուցակին մէջ այս տարուան Յունուար-Փետրուարին նուազած է 0.1 տոկոսով, իսկ արդիւնաբերական արտադրանքի գիներու ցուցանիշը աւելցած է 0.7 տոկոսով:

ելեկտրականութեան արտադրութեան ծաւալը 2020-ի Յունուար-Փետրուարին նախորդ տարուան նոյն ժամանակի համեմատ աւելցած է 23.1 տոկոսով:

Միջին ամսական անուանական աշխատավարձը Հայաստանի մէջ Յունուար-Փետրուարին 2019-ի նոյն ժամանակի համեմատ աճած է 10.4 տոկոսով` կազմելով 190 հազար 468 դրամ: Ի դէպ, պետական հատուածին մէջ միջին ամսական անուանական աշխատավարձը աճած է 12.1 տոկոսով, իսկ ոչ պետականին մէջ` 8.8 տոկոսով:

Արտաքին առեւտրաշրջանառութեան ծաւալները այս տարուան առաջին երկու ամիսներուն նախորդ տարուան նոյն ժամանակահատուածի համեմատ աճած է 2.4 տոկոսով․ արտահանման ծաւալը աճած է 8.8 տոկոսով, իսկ ներմուծումը նուազած է 0.8 տոկոսով:

Դրամի փոխարժէքը ԱՄՆ տոլարի նկատմամբ Յունուար-Փետրուարին կազմած է 478.98: