Առաջին եռամսեակին Հայաստան Այցելած Զբօսաշրջիկներուն Թիւը Աւելցած է 5.2 Տոկոսով
2019 թուականի Յունուար-Մարտին Հայաստան ժամանած է 364 հազար 489 զբօսաշրջիկ, որ 2018-ի նոյն ժամանակահատուածի համեմատ աճած է 5.2%-ով: Այս տուեալները հրապարակած է ՀՀ վիճակագրական կոմիտէն:
Նշենք, որ 2018-ի առաջին եռամսեակին Հայաստան այցելած է 346 հազար 458 զբօսաշրջիկ:
Վիճակագրութեան համաձայն` 2019-ի Յունուար-Մարտին զբօսաշրջութեան նպատակով Հայասանէն մեկնած է 317 հազար 891 մարդ` 2018-ի նոյն ժամանակահատուածի համեմատ աճելով 5.7%-ով:
Իսկ ներքին զբօսաշրջութիւնը 2019-ի Յունուար-Մարտինին՝ անցեալ տարուան առաջին եռամսեակին համեմատ՝ աճած է 41.8%-ով:
Վիճակագրութեան համաձայն` ընթացիկ տարուան առաջին երեք ամիսներուն հանրապետութեան տարածքին գործող հիւրանոցներուն, հանգստեան տուներուն, առողջարաններուն եւ հիւրանոցային տնտեսութեան այլ կառոյցներուն մէջ հաշուառուած է 158 հազար 672 ՀՀ ներքին զբօսաշրջիկ:
Ներքին զբօսաշրջութեան 33.9%-ը եղած է հանգստին եւ ժամանցին համար է, 19.2%-ը կրած է գործնական բնոյթ, իսկ 39.3%-ը՝ բուժման նպատակով: