Թուրքիա Ռազմափորձեր Կը Կատարէ Հայաստանի Սահմանին Վրայ

Թուրքիա միջազգային տարողութեամբ ռազմափորձեր կը կատարէ Հայաստանի հետ սահմանին վրայ` Կարսի շրջանին մէջ: Այս մասին կը հաղորդեն թրքական լրատուամիջոցները:

«Ձմեռ-2019» անունով ռազմափորձերուն կը մասնակցին 15 երկիրներ: Նաեւ կը հաղորդուի, որ ռազմափորձերուն ընթացքին Թուրքիա կ՛օգտագործէ տեղական արտադրութեան սպառազինութիւն:

Թուրքիոյ պաշտպանութեան նախարարութեան համաձայն, նախագահ Ռեճեփ Թայիփ Էրտողան տեսակապի միջոցով հետեւած է ռազմափորձերու ընթացքին: