Եկէ՛ք, Երկրաշարժի 30-րդ Տարելիցին Առիթով, Տուն Նուիրենք Փոքրիկ Անահիտին

Սիրելի հայրենակիցներ,

քանի մը օրէն` Դեկտեմբեր 7-ին, կը լրանայ 1988-ին Հայաստանի մէջ տեղի ունեցած աւերիչ երկրաշարժին 30-րդ տարելիցը: Ինչպէս գիտէք, աւերուեցան քաղաքներ, շրջակայ գիւղեր ու բնակավայրեր, զոհուեցաւ աւելի քան 25 հազար մարդ ու 500 հազար մարդ մնաց անօթեւան:

Նոյն այս վայրկեանիս` 30 տարի անց, աւերիչ երկրաշարժին իբրեւ հետեւանք, հարիւրաւոր ընտանիքներ կ’ապրին անօթեւան, առանց տանիքի, ջուրի, ելեկտրականութեան ու առանց կեանքի ամէնէն տարրական միջոցներուն:

Դժբախտաբար, տարբեր պատճառներով, հայկական նորանկախ պետականութիւնը չէ կրցած ամբողջութեամբ վերականգնել իրավիճակը ու թիկունք կանգնիլ այդ չքաւոր ընտանիքներուն:

30-րդ տարելիցին առիթով` «Ռատիօ Եան»-ի անձնակազմը որոշեց իր համեստ միջոցներով մասնակից դառնալ ու կազմակերպել դրամահաւաք մը` հանգիստ, տաքուկ, արժանապատիւ բնակարան մը նուիրելու կարիքաւոր ընտանիքի մը:

Ահաւասիկ այդ ընտանիքը, որուն որոշեցինք օգնել` համագործակցութեամբ գիւմրիի «Շիրակ կենտրոն» կազկակերպութեան:

 

«Ուր որ ալ գտնուինք, ինչ որ ալ ընենք, վերջաւորութեան պիտի մնայ մեզի այն՝ ինչ որ պիտի նուիրենք կարիքաւորին»։