2018 Թուականի Առաջին Կիսամեակին Արցախ Այցելած Զբօսաշրջիկներուն Թիւը Աճած է 41 Տոկոսով
Արցախ այցելած զբօսաշրջիկներու թիւը 2017 թուականի առաջին կիսամեակի համեմատ այս տարուան նոյն ժամանակահատուածին աճած է 41 տոկոսով:
Այս մասին՝ ըստ «Արցախփրես»-ի՝ ըսած է ԱՀ մշակոյթի, երիտասարդութեան հարցերու եւ զբօսաշրջութեան նախարարութեան զբօսաշրջութեան վարչութեան պետ Արտակ Գրիգորեան:
Ան տեղեկացուցած է, որ Արցախ այցելող զբօսաշրջիկներու աշխարհագրութիւնը եւս ընդլայնուած է:
«Նախորդ տարի Արցախը 95 երկիրներէ հիւրընկալած է հազարաւոր զբօսաշրջիկներ. անոնց մեծ մասը Ռուսիայէն, Ամերիկայի Միացեալ Նահանգներէն, Ֆրանսայէն, Իրանէն եւ եւրոպական այլ երկիրներէ ժամանածներն են:2017 թուականին առաջին անգամ զբօսաշրջիկներ ունեցած ենք նաեւ Քամերունէն, Մոնղոլիայէն, Բենինէն, Սալւատորէն»,-մանրամասնած է ոլորտի պատասխանատուն:
Զբօսաշրջիկներուն հիմնականօէրն կը հետաքրքրեն Արցախի գեղատեսիլ բնութիւնը, պատմաճարտարապետական յուշարձանները, որոնցմէ մեր զրուցակիցը առանձացուցած է Գանձասարի վանական համալիրը, Նիկոլ Դումանի տուն-թանգարանը, Տիգրանակերտն ու Հունոտի կիրճ բնապատմական արգելոցը:
«Վարդենիս-Մարտակերտ մայրուղիի շահագործումէն ետք զբօսաշրջիկներու մեծ հոսքեր կը նկատուին նաեւ դէպի Դադիվանք վանական համալիր: Որպէս առանձին զբօսաշրջային կեդրոն կ՛առաձնացնէի նաեւ Շուշի քաղաքը, որ վերջին տարիներուն կը համալրուի նոր զբօսաշրջային ենթակառուցուածքներով»,-նշած է ան: