Նարա Շլեպչեան. Հաղորդավարուհի

Նարա Շլեպչեանը ծնած է 1935-ին, Երեւան։ 1957-ին աւարտած է Երեւանի Վալերի Պրիւսովի անուան պետական ռուսական եւ օտար լեզուներու ուսումնարանի ռուսաց լեզուի եւ գրականութեան բաժանմունքը։

1956 Նոյեմբեր 29-ին, Հայաստանի հեռուստատեսութեան բացման առաջին օրէն աշխատած է իբրեւ հաղորդավար եւ եղած է Հայաստանի հեռուստատեսութեան առաջին հաղորդավարը։ 1964-1983 դասաւանդած է Վալերի Պրիւսովի անուան օտար լեզուներու եւ Խաչատուր Աբովեանի անուան մանկավարժական ուսումնարաններուն մէջիբրեւ ռուսաց լեզուի, ապա խօսքի մշակոյթի եւ հաղորդավարի վարպետութեան դասախօս։ 2011-էն Հայաստանի Հանրային հեռուստառատիոընկերութեան խորհուրդի անդամ է։

Հեղինակած եւ վարած է բազմաթիւ եւ բազմաբովանդակ ծրագիրներ՝ լրատուական, գրական, գեղարուեստական, երաժշտական, մասսայական երեկոյթներ, կառավարական ձեռնարկներ, տօնական հանդէսներ, հարցազրոյցներ։ Հայկական ծրագրերը ներկայացուցած է խորհրդային երկիրներու եւ
արտասահմանեան հեռուստաընկերութիւններով։ 2000-2001 վարած է «Մեր էկրանը» հաղորդումը (սենարի հեղինակ)։ 2001-2011 եղած է Հայաստանի Հանրային հեռուստառատիոընկերութեան խորհուրդի հանրութեան հետ կապերու հասարակական խորհուրդի նախագահը։

2011 Մարտ 19-ին, ՀՀ Նախագահի հրամանագրով մրցոյթի արդիւնքներուն հիման վրայ նշանակուած է Հայաստանի Հանրային հեռուստառատիոընկերութեան խորհուրդի անդամ։