Լարուած Իրավիճակ՝ ՀՀ Կառավարութեան Շէնքին Դիմաց․ Գերիներու Հարազատները Փակած են Փողոցներուն Երթեւեկելի Հատուածը

Անհետ կորսուած եւ գերեվարուած զինծառայողներուն հարազատները, որոնք կառավարութեան դիմաց բողոքի ցոյց կ՝իրականացնեն, կը պահանջեն ԱԺ նախագահ Ալէն Սիմոնեանէն գալ եւ պատասխան տալ գերիները դասալիք անուանելու համար: Այս մասին ԵՌԱԳՈՅՆ-ը կը տեղեկանայ «Երկիր»-էն։

Հարազատները յայտարարեցին՝ քանի որ ԱԺ նախագահը դեռ չէ եկած, իրենք որոշած են փակել կառավարութեան շէնքի մօտակայ փողոցները:

Ոստիկանները՝ անօրէն համարելով այդ փողոցներուն փակուիլը՝ կը փորձեն դուրս հանել ցոյցի մասնակիցները, որոնք սակայն կը շարունակեն փակ պահել փողոցները։

Նշենք, որ անհետ կորածներու եւ գերիներու հարազատներուն վերդովեցուցած է այսօր համացանցի վրայ տրածուած այն տեսանիւթը, ուր Ալէն Սիմոնեանը գերիները կը համարէ դասալիքներ եւ կ՝ըսէ, որ գերիները իրեն համար չկան: