Զմիւռնիայի Քանդումին Նուիրուած Վաւերագրական Ֆիլմի Ցուցադրութիւնը Կլենտէյլի «Ապրիլ» Գրատան Մէջ

Ուրբաթ, Սեպտեմբեր 21-ին, երեկոյեան ժամը 7։30էն սկսեալ, Կլենտէյլի «Ապրիլ» գրատան մէջ տեղի պիտի ունենայ Զմիւռնիայի (Իզմիր) քանդումին նուիրուած վաւերագրական ֆիլմի մը ցուցադրութիւնը։ Այս մասին կը հաղորդէ «Ասպարէզ»-ը։

«Զմիւռնիա. Բազմամշակութային Քաղաքի Մը Քանդումը, 1900-1922» («Smyrna. The Destruction of a Cosmopolitan City, 1900-1922») խորագրուած ֆիլմը բեմադրուած է մրցանակակիր բեմադրիչ Մարիա Իլիուի կողմէ։ 87 վայրկեաննոց այս ֆիլմը արտադրուած է 2012ին։

Ֆիլմը պիտի ներկայացնէ Ճորիճա Սթավրոփուլոս, իսկ «Սքայփ»ի միջոցաւ քննարկումին պիտի միանայ ֆիլմին համար պատմական խորհրդատուութիւն կատարած Ալեքսանտր Քիթրոֆ։

Մուտքը ազատ է, սակայն կարելի է կանխաւ տեղեր ապահովել՝ այցելելով itsmyseat.com/abrilbooks կայքէջը, կամ՝ դիմելով (818) 243-4112 թիւին։ Յաւելեալ տեղեկութեանց համար, դիմել noor@abrilbooks.com հասցէին։