«Խոստումը» Ֆիլմի Բեմադրիչ Թերի Ճորճ Պիտի Արժանանայ Հայ Դատի Յանձնախումբի «Ազատութեան» Մրցանակին

ԱՄՆ Հայ դատի յանձնախումբի Արեւելեան ափի գրասենեակի պատուաւոր «Ազատութեան» մրցանակին այս տարի պիտի արժանանայ յայտնի բեմադրիչ Թերի Ճորճ:

Ինչպէս կը տեղեկացնէ Հայ դատի կեդրոնական գրասենեակը, մրցանակի յանձնման արարողութիւնը տեղի պիտի ունենայ Հոկտեմբեր 13-ին, Նիւ Եորքի մէջ:

Թերի Ճորճ յայտնի դարձած է «Հիւրանոց Ռուանտա» ֆիլմի նկարահանումէն ետք: Թերի Ճորճ բեմադրիչն է նաեւ Հայոց Ցեղասպանութեան մասին պատմող «Խոստումը» ֆիլմի, որ նկարահանուած է ամերիկահայ բարերար Քըրք Քըրքորեանի ֆինանսաւորմամբ: