Հայկական Աւանդական Հալվա

Պատմութենէն յայտնի է, որ հալվան ստեղծուած է պարսկական շահերու խոհարարներուն կողմէ։ Հալվա բառի ծագումնաբանութիւնը կը յուշէ անոր արմատներուն մասին՝ հալվա բառը արաբերէն կը նշանակէ քաղցր: Սակայն, միաժամանակ, կարելի չէ ժխտել, որ այս քաղցրեղէնը մեծ տարածում ունի ողջ Արեւելեան աշխարհին մէջ՝ Հնդկաստանի, Ասորեստանի եւ Արաբական երկիրներու մէջ:

Այս երկրներէն իւրաքանչիւրի պարագային քաղցրեղէնը ստացած է իր իւրօրինակ յաւելումն ու բնոյթը։ Օրինակ,՝ Հնդկական հալվան կը պատրաստուի ստեպղինով եւ դդումով: Իսկ թուրքիոյ մէջ անիկա կը պատրաստուի մեղրով եւ կը մատուցուի գնդիկներու տեսքով:

Հալվայի պատրաստութեան համար անհրաժեշտ է․

2 գաւաթ կեղեւազրկուած արեւածաղիկի սերմ,

1,5 գաւաթ ալիւր,

1 գաւաթ շաքար,

0,5 գաւաթ ջուր,

150 մլ արեւածաղիկի ձէթ։

Պատրաստման եղանակը․

Անհրաժեշտ է արեւածաղիկի սերմերը բովել եւ աղալ: Այնուհետեւ բովել ալիւրը, մինչեւ բաց ոսկեգոյն դառնալը։ Այս 2 բաղադրիչները լաւ խառնել: Պատրաստել շաքարաջուրը՝ շաքարն ու ջուրը եփելով 10 վայրկեան: Շաքարաջուրին աւելցնել արեւածաղիկի սերմին եւ ալիւրին խառնուրդը ու լաւ խառնել: Աւելցնել նաեւ ձէթը եւ անմիջապէս ամանի մէջ տարածելով տափակցնել՝ հաշուի առնելով, որ անիկա շատ արագ կը քարանայ։

Հալվայի երկրորդ տարբերակ մը․

2 գաւաթ ալիւր,

0.5 գաւաթ շաքար,

8 ա. դգալ բուսական իւղ,

ընկոյզ՝ ձեւաւորելու համար։

Պատրաստման եղանակը․

Թեթեւ կրակի վրայ հալեցնել իւղը, այնուհետեւ լեցնել ալիւրը եւ
խառնել մինչեւ զանգուածը դառնայ համասեռ եւ ոսկեգոյն (մօտ 20 վայրկեան):
Աւելցնել շաքարը եւ արագ խառնել այնքան, մինչեւ լուծուի (5 վայրկեան):
Զանգուածը զգուշութեամբ լեցնել միջին խորութեան ամանի մը մէջ, հաւասարեցնել, ապա ձեւաւորել ընկոյզով: Ձգել որ պաղի:
Անո՛յշ

Նիւթի պատմական բաժինն ու առաջին տարբերակը՝ armeniatoday.news էջէն

Արեւմտահայերէնի վերածեց՝ ԵՌԱԳՈՅՆ-ը

Լուսանկարները՝ youtube-էն