Ազրպէյճանական Վերջին Յարձակումէն Հայկական Կողմը Ունի 201 Զոհ՝ 197 Զինծառայող, 4 Քաղաքացիական Անձ. ՔԿ

Հայաստանի դէմ ազրպէյճանական վերջին յարձակումէն երկու շաբաթ անց՝ Քննչական կոմիտէին տուեալներով՝ հայկական կողմը ունի նոյնականացուած 201 զոհ՝ 197 զինծառայող, 4 քաղաքացիական անձ։ Այս մասին կը տեղեկացնէ Քննչական կոմիտէն։

Յիշեցնենք, որ Սեպտեմբեր 13-ին, ժամը 00:05-էն սկսեալ, Ազրպէյճանի ԶՈւ ստորաբաժանումները սահմանի ողջ երկայնքով հրետանային միջոցներէ, խոշոր տրամաչափի հրաձգային զինատեսակներէ սկսած էին կրակել հայկական դիրքերուն ուղղութեամբ՝ կիրառելով նաեւ ԱԹՍ-ներ: ԹՇՆԱՄԻն կը հարուածէր թէ՛ ռազմական, թէ՛ քաղաքացիական վայրեր։ Ազրպէյճանի զինուժի լայնածաւալ յարձակման հետեւանքով հայկական կողմը ունի 207 զոհ եւ անհետ կորած։ Սեպտեմբեր 17-ին ազրպէյճանական կողմը 32 զինծառայողի մարմին փոխանցած էր հայկական կողմին, Սեպտեմբեր 20-ին՝ 95, իսկ Սեպտեմբեր 23–ին՝ եւս 6 մարմին։