Վարդուհի Վարդերեսեան. Դերասանուհի

Ծնած է 1928-ին, Ռումանիոյ մայրաքաղաք Պուխարեսթի մէջ։ Դերասան, թատերագէտ Գէորգ Ապաճեանի կինն էր։ 1946-ին տեղափոխուած է Հայաստան։

Առաջին անգամ բեմ ելած է Նուպարաշէնի ինքնագործ թատրոնին մէջ։ 1947-ին ընդունուած է Գիւմրիի դրամատիկական թատրոնին կից արուեստանոց եւ
նոյն թուականէն խաղացած է թատրոնի մէջ։ 1958-ին տեղափոխուած է Երեւանի Սունդուկեանի անուան թատրոն։

Կերտած է բազմաթիւ դերեր թատրոնի մէջ՝ Շիրվանզադէի «Պատուի համար»՝ Մարգարիտ, Չեխովի «Բալենիի այգի»՝ Ռանեւսկայա, Տիւրենմաթի «Ծեր տիկնոջ այցը»՝ Քլերի Ցախնասեան, Սարոյեանի «Իմ սիրտը լեռներում»՝ Ճոնի, Շանթի «Հին Աստուածներ»՝ Իշխանուհի եւ այլն։

Խաղցած է նաեւ արեւմտահայ դերերու մէջ՝ «Պաղտասար Աղբար»՝ Անոյշ եւ այլն։
Նկարահանուած է «Պատուի համար», «Մօր սիրտը», «Ճանապարհ դէպի կրկես», «Հայրիկ», «Կարինէ» եւ այլ ֆիլմերու մէջ։ Հայաստանի Ազգային ձայնասփիւռի ոսկէ ֆոնտին մէջ ունի աւելի քան 100 ձայնագրութիւն։

1958-էն նկարահանուած է հեռուստաներկայացումներու մէջ՝ եղած է առաջին հեռուստաներկայացման դերասանուհիներէն։

1985-ին հրաւիրուած է Հալէպի «Ադամեան» թատրոն, ուր արժանացած է ոսկէ մետալի։

Ստացած է բազմաթիւ պետական բարձրագոյն պատուոգրեր, մրցանակներ, շնորհակալագրեր։ 1965-ին արժանացած է ՀԽՍՀ, 1988-ին՝ ԽՍՀՄ ժողովրդական արտիստի կոչման։ 1995-ին պարգեւատրուած է ՀՀ «Մովսէս Խորենացի» մետալով, 2001-ին՝ Երեւանի պատուաւոր քաղաքացիի կոչումով, 2013-ին՝ Սուրբ
Մեսրոպ Մաշտոցի շքանշանով։

Մահացած է 2015-ին, Երեւանի մէջ։