«Գարուն Ա․․․» Ֆիլմի Ամերիկեան Անդրանիկ Ցուցադրութիւնը՝ 1 Ապրիլին

Այլեւայլ, Աշխարհ, Հայաստան, Սփիւռք

Բեմադրիչ  Ռոման Մուշեղեանի «Գարուն Ա․․․» ֆիլմը պիտի ներկայացուի Ամերիկայի Միացեալ Նահանգներու մէջ: Ապրիլ 1-ին, հեղինակաւոր Directors Guild of America (Ամերիկայի բեմադրիչներու միութեան) դահլիճին մէջ պիտի կայանայ ֆիլմի ամերիկեան անդրանիկ ցուցադրութիւնը: Իրադարձութեան պիտի մասնակցին ֆիլմի ստեղծագործական կազմը եւ դերասանները: Հրաւիրուած են ամերիկացի եւ հայ յայտնի արտադրողներ, բեմադրիչներ, դերասաններ եւ արուեստի գործիչներ:

Այնուհետեւ, ֆիլմը պիտի յայտնուի ամերիկեան պաստառներու վրայ: Ապրիլ 8-էն սկսեալ, ֆիլմը պիտի ներկայացուի Լոս Անճելըսի Laemmle թատրոններու ցանցով:

«Անչափ ուրախալի է, որ ֆիլմը պիտի ներկայացուի Ամերիկայի մէջ: Սիրով կ՝ուզեմ նշել, որ բացի հայ հանդիսատեսէն, ամերիկացի հեղինակաւոր ֆիլմի գործիչները եւս ֆիլմին միջոցով պիտի ծանօթանան հայ մշակոյթին եւ մասնաւորապէս` հայ ֆիլմարուեստին»,- նշած է բեմադրիչ Ռոման Մուշեղեան:

Յիշեցնենք, որ ֆիլմի երեւանեան անդրանիկ ցուցադրութիւնը կայացած էր Մարտ 1-ին:

«Գարուն Ա․․․»ն ֆիլմ է պատերազմի, սիրոյ, մեր օրերու նուիրեալներու, միասնութեան, պետական մտածողութեան կերտման ու հայրենասիրութեան մասին` երեք սերունդներու աչքերով:

Ֆիլմի գլխաւոր արտադրողն է Ալեքսանդր Խաչատրեան, արտադրողը` Դիանա Աւետիսեանը: Բեմադրութիւնը հեղինակած է Յարութիւն Ղուկասեան: Դերերով` Ալեքսանդր Խաչատրեան, Լեւոն Հախվերդեան, Արմէն Մարգարեան, Մարջան Աւետիսեան, Եւա Զոհրաբեան, Շանթ Յովհաննիսեան, Ալիս Կապլանջեան, Վահագն Մարտիրոսեան, Սաթենիկ Հազարեան, Նարինէ Պետրոսեան եւ այլք:

Նշենք, որ ֆիլմը Aratta Production-ի, Vision Studio-ի, Phoenix Art Foundation-ի համատեղ արտադրութիւնն է: Անիկա նկարահանուած է Հայաստանի պաշտպանութեան նախարարութեան եւ ArLeAM-ի աջակցութեամբ:

(Հաղորդագրութիւնը՝ «Գարուն Ա․․․»ի արտադրողներէն)