Ժընեւի Մէջ Մեկնարկեց ՀՀ Արտաքին Գործոց Նախարարին Հանդիպումը Համանախագահներուն Հետ

Ժընեւի մէջ մեկնարկեց ՀՀ ԱԳ նախարար Զոհրապ Մնացականեանի հանդիպումն ԵԱՀԿ Մինսկի խումբի համանախագահներուն հետ․ այս մասին Ֆէյսպուքի մէջ գրած է ԱԳՆ խօսնակ Աննա Նաղտալեան եւ լուսանկար հրապարակած:

Հոկտեմբեր 29-ին Ժընեւի մէջ նախատեսուած էր Հայաստանի եւ Ազրպէյճանի ԱԳ նախարարներու հանդիպումը, որ, սակայն, յետաձգուեցաւ:

Այսօր Ժընեւ ժամանած է նաեւ Ազրպէյճանի ԱԳ նախարար Ճէյհուն Պայրամովը:

Առայժմ յայտնի չէ, թէ արդեօք առանձին հանդիպում տեղի պիտի ունենայ Հայաստանի ու Ազրպէյճանի ԱԳ նախարարներուն միջեւ: